Ruta da Marronda - Alto Eo

(Realizada o sabado 19/11/2011)

Lugar: Fonsagrada (Lugo)

Distancia: 21 km

Duración: 7

Dificultade: Media

Circular:Si

Percorrido circular dividido en dous tramos que lle ofrece ao visitante a oportunidade de coñecer a comarca da Fonsagrada. Afastada dos grandes núcleos de poboación e das vías de comunicación relevantes, ofrece unha paisaxe rica e case virxe nunha das zonas máis descoñecidas de Galicia. A Fraga da Marronda, de gran valor ecolóxico e cinexético, e o nacemento do río Eo son os protagonistas do camiño.
Dende San Paio, recoméndase facer o primeiro tramo ata a Área recreativa da Cortevella ascendendo en dirección leste pola Pena Cerrada e, posteriormente, cara ao norte ata a Pena da Raia, ata chegar á Marronda, que constitúe un magnífico exemplo de fraga autóctona galega. Incluída na «Rede Natura 2000» e Reserva da Biosfera, é unha das máis importantes reservas de faias da Europa suroccidental.

Tras cruzar a aldea de Mendreiras, iníciase un prolongado descenso ata chegar á área recreativa onde se poden contemplar as vistas panorámicas dende o miradoiro do Ferreiro e visitar o muíño deste nome.
A partir de aquí comeza o segundo tramo da ruta que percorre o río Eo por ambas as marxes ata San Paio. Neste tramo crúzanse os regatos da Teixeda e Monte Meán e visítanse as fervenzas do Pozo da Ferreira e de Acea de Serra, así como o pequeno núcleo de Cabreira.
Nalgúns tramos pásase dunha beira do río a outra a través de varias pontes coma a de Naseiro, onde finalmente se abandona o Eo e se regresa a San Paio.

Sendeiro homologado pola Federación Galega de Montañismo.

Mais Información:
http://www.amarronda.com/acceso.htm
 http://es.wikiloc.com

Prevision do tempo para esos dias en A Fonsagrada

.

Ver fotos da Ruta>:


. 
Comentario persoal da ruta:

Comezou a ruta cunha forte subida na que supostamente se vería a Fraga dá Morronda pero a néboa encargouse de que non vise mais alá dos piñeiros que bordeaban o camiño. Unha vez que se foi xa estaba case no final do descenso polo que só puiden ver o remate da Fraga que se me antoxou moi fermosa polo pouco anaco que vin, a partir de aí a ruta tubo unha viaxe polos cumios dos pequenos montes cunha vista dos vales que as fotos non son capaces de plasmar. Despois dunha baixada moi pronunciada foi a chegada a "O Miradoiro do Ferreiro" un lugar especial con aberracións espectaculares onde se pode contemplar o que a idiotez e o diñeiro poden facer xuntos. 

Despois a suba polo rio é moi bonita ata volver de novo al punto de saída camiñando entre castaños e carballos con unhas vistas dos vales impresionante.

.